(Казан, 20 гыйнвар, «Татар-информ», Гадел Әхмәтҗанов). Бу җомгада, 22 гыйнвар көнне, Казанда Габдулла Тукай әдәби музеенда язучы, драматург Фатих Әмирхан атналыгы башлана.

«22 гыйнвардан 29 гыйнварга кадәр Габдулла Тукай әдәби музеенда Фатих Әмирханның тууына 135 ел тулу уңаеннан әдипкә багышланган атналык узачак. Төрле программалар, лекция, балалар өчен мәдәни-белем бирү чаралары үткәрергә планлаштырабыз», — дип сөйләде Татарстан Милли музееның матбугат үзәге хезмәткәре Ленар Нәгыймов «Татар-информ» хәбәрчесенә.