Татарстанда Саха (Якутия) көннәре уза. Шушы зур чара уңаеннан Якутиядән килгән журналист Дмитрий Иванов белән Татарстан һәм Саха республикалары арасындагы охшаш һәм аермалы яклар турында сөйләштек.

7-13 июнь Татарстанда Саха (Якутия) көннәре уза. 9 июнь Камал театры каршында рәсми ачылыш узды. Чараның програмы шактый бай булуга карамастан, бу хакта хәбәр итүче элмә такталар, халыкка ирешер дәрәҗәдә мәгълүмат юк. Массакүләм мәгълүмат чаралары белән эш оештыру, матбугат конференциясе уздыру да булмады.